Monografiya paxtani iflosliklardan tozalash mashinalarining ishchi organlari, uzatish mexanizmlari konstruksiyalarini takomillashtirishga, asosiy parametrlari va ishlash rejimlarini aniqlashning ilmiy asoslarini ishlab chiqishga bag'ishlangan. Yangi samarali konstruktiv sxemalar tavsiya qilingan. Ishchi organlar harakatini o'zgaruvchan tizimlarda amalga oshirish bo'yicha qator o'zgaruvchan uzatish nisbatli (O'UN) tasmali uzatmalar sxemalari ishlab chiqilgan, nazariy tadqiqotlar asosida kinematik xarakteristikalari aniqlangan. Kompleks nazariy va tajribaviy tadqiqotlar natijasida paxta tozalash mashinasi ishchi organlarini harakat qonunlari olingan, bog'lanish grafiklarini tahlili natijasida parametrlari aniqlangan. Qo'llash bo'yicha tavsiyalar ishlab chiqilgan. Monografiya paxtani dastlabki ishlash texnika va texnologiyasini loyihalash, hisoblash va yangiliklarini yaratish bo'yicha shug'ullanuvchi ilmiy xodimlar, doktorantlar, muhandis-konstruktorlar, bakalavlar uchun mo'jallangan.
